Çfarë Është Kriza e Epilepsisë dhe Sëmundja Epilepsisë?

Epilepsia, është një gjendje e karakterizuar nga shkarkime elektrike të papritura, jonormale dhe të pakontrolluara të qelizave të trurit. Një krizë e vetme quhet kriza epileptike, dhe vazhdimi i krizave quhet sëmundja e epilepsisë. Simptomat mund të shfaqen në varësi të funksionit të zonës së trurit të prekur nga epilepsia.

Cilat Simptoma Shihen Në Një Krizë Epilepsie?

• Ndryshimet në vetëdije dhe humbja e vetëdijes,
• Humbje në shiqime,
• Ndjenja e rënjes në tokë,
• Vezullim i shpejtë,
• Kafshimi i gjuhës, shkumosja nga goja,
• Tkurrje e njëanshme ose dypalëshe, dridhje në krahë dhe këmbë,
• Kontraksione të papritura në trup,
• Mosmbajtja e urinës,
• Mpirje afatshkurtër në fytyrë, duar, këmbë,
• Frikë,
• Vërehen simptoma psikologjike si ankthi ose dezhavu (ndjenja sikur e keni përjetuar atë moment më parë).

Çfarë Është Aura? Kur Shihet?

Simptomat kryesore që ndodhin në fillim të një konvulsioni, të lidhura me funksionet e rajonit në tru që shkakton aktivitetin e krizave, quhen aura.

• Simptomat shqisore: Mpirje, ndjesi shpimi gjilpërash, djegie etj.
• Simptomat vizuale
• Simptoma të lidhura me dëgjimin
• Erëra të pakëndshme: Erë gome e djegur, erë e ushqimit të kalbur etj.

Si Diagnostifikohet Epilepsia?

Në diagnozën e sëmundjes vlen historia e detajuar e pacientit dhe ekzaminimi i plotë neurologjik. Duhet pyetur në detaje nëse pacienti ka histori familjare të epilepsisë, nëse ka pasur ndonjë problem gjatë lindjes, sëmundje të mëparshme, histori traume, mosha në të cilën filloi sëmundja, shpeshtësia e krizave dhe çfarë simptomash kishte pacientja.

Çfarë Është Ekzaminimi EEG?

Është një test i lehtë për t'u kryer dhe pa dhimbje që përdoret për të përcaktuar aktivitetin elektrik të trurit dhe për të zbuluar pjesët jonormale aktive. Është një nga testet e domosdoshme në diagnostikimin, ndjekjen dhe trajtimin e epilepsisë.

Ekzaminimet MRI dhe Tomografia e Kompjuterizuar (CT), të cilat tregojnë nëse ka ndonjë çrregullim strukturor në tru (tumor, gjakderdhje, mbyllje vaskulare, flluskë etj.), janë teste të tjera që përdoren.